Монголын Хуульчдын холбооноос жил бүр уламжлал болгон зохион байгуулдаг иргэдийн эрх, хууль ёсны ашиг сонирхлыг хамгаалах зорилготой хууль зүйн үнэгүй зөвлөгөө өгөх “Хуульчийн Про Боно өдөр-2023” өдөрлөг өнөөдөр 2023 оны 05 дугаар сарын 01-ний өдөр Аймгийн Засаг даргын Тамгын газрын Нэг цэгийн үйлчилгээний төв болон Хөх толгой, Арван мянгат, Амьчуул зэрэг газруудад зохион байгуулагдав.
Тус “Хуульчийн про боно” өдөрлөгт Баянхонгор аймаг дахь Шүүхийн шийдвэр гүйцэтгэх газраас оролцож, иргэдэд байгууллагын үйл ажиллагаа болон шийдвэр гүйцэтгэх ажиллагааны талаар танилцуулж мэдээлэл, зөвлөгөө өгч ажиллалаа.
